Remi “godet” LDK-në: Me viktima po kërkoni votë

Rrustem Mustafa, ose siç njihet ndryshe “Komandant Remi”(Ish-komandanti i Zonës Operative të Llapit) ka komentuar vrasjet politike të pasluftës. Ai ka thënë se këto raste duhet trajtuar seriozisht nga organet kompetente.

Sipas Mustafës, LDK-ja ka luajtur vazhdimisht me viktimat, duke synuar që të arrijë te zemrat e votuesve, përcjellë Indeksonline.

“. Jo se populli nuk e blenë më, por një praktikë e tillë e aktualizimit të këtyre çështjeve në kohë e raste kur kërkohet vota e elektorati, ofendon rëndë inteligjencën tonë, shqelmon etikë e moral e mbi të gjitha hedh kripë në plagët e pambyllura të familjarëve të viktimave. Edhe politikës i duhet moralë!”, ka shkruar ai.

Lexoni komentin e plotë:

U bënë 18-vite, s’ka më vota nga ata që shkuan…

Partitë politike në Kosovë nuk do të duhej as të mendojnë që rastet e vrasjeve gjatë luftës e pasluftës, t’i trajtojnë mbrenda mekanizmave politik. Rastet e tilla, duhet trajtuar seriozisht nga organet kompetente. Qytetarët e Kosovës pa dallim, duan drejtësi për viktimat, dhe ajo drejtësi duhet bërë. Partitë si LDK, që vazhdimisht duke luajtur viktimën kanë synuar të arrijnë tek zemrat e votuesve, duhet të ndalin këtë praktikë. Jo se populli nuk e blenë më, por një praktikë e tillë e aktualizimit të këtyre çështjeve në kohë e raste kur kërkohet vota e elektorati, ofendon rëndë inteligjencën tonë, shqelmon etikë e moral e mbi të gjitha hedh kripë në plagët e pambyllura të familjarëve të viktimave. Edhe politikës i duhet moralë!