“Reflekton” PDK-ja, kalon propozim vendimi që i hap rrugë funksionalizimit të Poliklinikës Specialistike në Podujevë

Sot paradite u mbajt mbledhja e jashtëzakonshme e Kuvendit të Komunës së Podujevës, njofton PodujevaPRESS.net

Për këtë mbledhje ishte caktuar ky rend dite;

1. Propozim vendimi për shfuqizimin e Vendimit nr.prot.01-462/01-007934/19 për dhënien e pronës së paluajtshme në shfrytëzim afatgjatë Shërbimit Spitalor Klinik Universitar të Kosovës, i miratuar nga Kuvendi i Komunës së Podujevës më datë 23.09.2019

2. Propozim Vendimi për dhënien e pronës së paluajtshme në shfrytëzim afatgjatë Shërbimit Spitalor Klinik Universitar të Kosovës –SHSKUK

Mirëpo pas shumë diskutimeve subjekti opozitar lëshojë sallën e poashtu mungesa e shumicës së asambleistëve të PDK-së, kryesuesi u detyrua të shtyej seancën për orën 15:00 pasi që në sallë ishin vetëm 17 asambleistë dhe nuk kishte kuorum për të vazhduar kjo seancë e jashtëzakonshme e thirrur me kërkesë të kryetarit Bulliqi.

E pikërisht pasdite me kërkesën e PDK-së konkretisht shefit të grupit Bashkim Syla i cili edhe ka shkruar një status ku ka thënë se “Pika e parë e seances së jashtëzakonshme që shfuqizon vendimin e datës 23.09.2019 për dhënien e pronës së paluajtshme për themelimin e spitalit në Komunen e Podujeves, me propozim të PDK- së kjo pikë është hedhur poshtë” ka shkruar ai, por pastaj ky status është edituar ku ka mbetur vetëm pjesa “Me propozim të PDK-së në seancën e jashtëzakonshme u mor vendim,pika e parë që shfuqizon vendimin për dhënien e pronës per themelimin e Spitalit të Komunës se Podujevës të hidhet poshtë”.

Ndërsa subjekti opozitar LDK nuk ka marr pjesë fare në seancë.