Reagon Naim Fetahu: Për shkak të përçarjes dhe inateve mes tyre, LDK-ja dhe VV-ja po i lënë qytetarët e Podujevës pa barna dhe pa mjete mbrojtëse

Kandidati i Partisë Demokratike të Kosovës për kryetar të Podujevës, Naim Fetahu ka shkruar në profilin e tij në facebook se Për shkak të përçarjes dhe inateve mes tyre, LDK-ja dhe VV-ja po i lënë qytetarët e Podujevës pa barna dhe pa mjete mbrojtëse.

Reagimi i tij ka ardhur pasi që nënkryetari i komunës së Podujevës, Nexhmi Rudari, ka thënë se kanë nevojë urgjente për mjete mbrojtëse nga Ministria e Shëndetësisë. Ai ka thënë se deri më tani sasia furnizuese e Ministrisë e Shëndetësisë për këtë komunë është qesharake.

Kjo ka bërë që të reagojë Naim Fetahu, i cili e ka quajtur skandaloze këtë.

Ky është shkrimi i tij.

Kjo është skandaloze. Për shkak të përçarjes dhe inatit mes tyre, LDK-ja dhe Vetëvendosje po i lënë qytetarët e Podujevës pa barna dhe pa mjete mbrojtëse ndaj virusit vdekjeprurës.

Unë i bëj thirrje nënkryetarit të komunës dhe Ministrisë së Shëndetësisë që të lënë anash këtë çmenduri dhe të vihen në mbrojtje të qytetarëve tonë.

Llapi nuk ua ka borxh lojërat tuaja të ndyra.

Këtë tradhëti që po ua bëni llapjanëve në këtë moment jetik për ta, Podujeva nuk do t’ua harrojë asnjëherë. Turp.

https://www.facebook.com/NaimFetahuFaqjaZyrtare/photos/a.775556909141249/3147698995260350/?type=3&theater