Reagon komuna e Podujevës lidhur me numrin e të infektuarëve me COVID-19
Bazuar në njoftimin e Institutit Kombëtar të Shëndetësisë Publike të Kosovës, lidhur me rastet e reja me COVID-19, sot në Komunën e Podujevës janë paraqitur 6 raste pozitive, transmeton Portali PodujevaPRESS.net
Mirëpo lidhur me këtë ka reaguar komuna e Podujevës. Në një njoftim për publikun thuhet se lidhur me rastet e reja me COVID-19, sot në Komunën e Podujevës kemi vetëm dy raste pozitive, e jo gjashtë, siç paraqiten në njoftim.
Në njoftim thuhet:
Të dashur qytetarë,
Bazuar në njoftimin e Institutit Kombëtar të Shëndetësisë Publike të Kosovës, lidhur me rastet e reja me COVID-19, sot në Komunën e Podujevës kemi vetëm dy raste pozitive, e jo gjashtë, siç paraqiten në njoftim.
Katër personat e tjerë nuk janë nga Komuna e Podujevës, por punonjës dhe të burgosur në Burgun e Sigurisë së Lartë në Gerdoc.
