Reagime të shumëta: Po shtrohet asfalti edhe pse moti me shi në Podujevë

Sot ka vazhduar kompania e kontraktuar nga Komuna e Podujevës me shtrimin e asfaltiti nëpër disa rrugë të qytetit të Podujevës, njofton PodujevaPRESS.net.

Mirëpo sot në mengjes ka filluar një shi i dendur në Podujevë. E kjo ka ka bërë që të ketë reagime pse po zhvillohen punët në këtë mot me shi.

Shefi i grupit të këshilltarëve të LDK-së në Podujevë ka reaguar përmes një statusi duke thënë se “Vazhdon abuzimi me taksat tona..”

Reagimi i tij ka ardhur pas pamjeve që janë publikuar ku shihet kompania e kontraktuar nga Komuna e Podujevës duke shtruar asfalt afër shkollës fillore “Shaban Shala”.

Demolli ka shkruar se “Ku është përgjegjësia ktu?”

Ai ka thënë se “Pushteti në Podujevë i cili gjatë gjithë vitit ishte në gjumë të thellë, sot në kushte atmosferike me shi paska vendosur të shtroj asfallt mbi baltë”.

Gjendje të tillë skandaloze e kemi parë edhe në rrugën Skenderbeu.

Ndaloni këtë keqpërdorim thirrni mendjes ku është përgjegjësia.

Turp!, ka shkruar Demolli. 

E reagime të tilla ka pasur edhe nga qytetarët ku shihen statuse të shumëta në rrjete sociale.