Raportohet për dhunë psikike në një familje në Podujevë, i dyshuari në arrati

Policia e Kosovës, në raportin e saj 24 orësh, ka raportuar se më 2 shtator, në Podujevë, ka ndodhur një rast i dhunës së familje.

Sipas raportit, i dyshuari ka përdorur dhunë psikike ndaj gruas së tij, raporton “Betimi për Drejtësi”.

Mirëpo, i njëjti thuhet se është në arrati, kurse viktima thuhet të jetë zhvendosur tek familjarët e saj.

“Podujevë 02.09.2020 – 16:00. Viktima femër kosovare ka informuar se bashkëshorti i saj i dyshuari mashkull K-Shqiptar kishte ushtruar dhunë psikike. Viktima ka shkuar tek familjarët e saj. I dyshuari gjendet në arrati. Rasti është duke u hetuar”, thuhet në raportin e PK-së.