Qytetarët dalin me vetura edhe gjatë orës policore në Podujevë: Dënohen për mosrespektimin e masave të vendosura

Edhe pse situata që është krijuar nga sëmundja Covid-19 në Kosovë po shkakton probleme të ndryshme, duke rritur kështu edhe numrin e rasteve të prekura me këtë virus, disa qytetarë nuk janë duke i respektuar masat preventive të vendosura nga Qeveria e Kosovës, shkruan Gazeta Metro.

Si duket temperaturat e larta dhe moti me diell që po mbizotëron gjatë këtyre ditëve në vendin tonë, po bën që shumë qytetarë të dalin të shëtisin me automjete edhe gjatë orës policore, kur nuk lejohet lëvizja e lirë e qytetarëve nëpër rrugë.

Së fundmi, Policia e Kosovës kanë raportuar se vetëm gjatë 48 orëve të fundit, së paku shtatë raste janë regjistruar të cilët nuk kanë vepruar sipas dispozitave shëndetësore gjatë epidemisë, duke shëtitur me automjetet e tyre pa arsye të caktuara.

Rr. 28 Nëntori, Podujevë  29.03.2020-20:50.  Është raportuar se tre të dyshuar  meshkuj kosovar janë  shoqëruar  në polici pasi që të njëjtit janë takuar duke u  shëtitur  me automjetin  e tyre pa ndonjë  arsye duke mos respektuar  vendimin lëshuar nga Qeveria e R. Kosovës. Të njëjtit pas intervistimit me vendim të prokurorit janë liruar në  procedurë të rregullte.