Vdes mamia llapjane Sanije Topanica, iu ndihmoi grave në lindje gjatë luftës
Qeveria: Vizat hiqen më shpejtë se sa mendojnë pesimistët
Ndonëse kishte premtuar liberalizimin e vizave para se të vijë në krye të ekzekutivit, premtimi i kryeministrit Ramush Haradinajt ka mbetur ende vetëm një zotim. Por pavarësisht këtyre deklarimeve, nga zyra e kryeministrit insistojnë se vizat do të hiqen më shpejtë se sa që sipas tyre mendojnë pesimistët.
Ramush Haradinaj premtoi se liberalizimi i vizave për kosovarët do të ndodhte brenda tre muajsh pas marrjes së ekzekutivit, nga koalicioni PDK-AAK-NISMA.
Por edhe brenda kësaj periudhe, qytetarët vazhdojnë të mbesin të izoluar. Ndërkohë që nga Qeveria e Kosovës thonë se procesi i cili ka stagnuar që nga viti 2014, do të ndodh shumë shpejtë se sa që mendohet.
“Qeveria e Kosovës e ka përshpejtuar adresimin e çështjes së demarkacionit të kufirit duke lëvizur përpara me veprime konkrete nga pika zero, ku ka stagnuar që nga viti 2014. Liberalizimi i vizave do të ndodhë më shpejt sesa pritjet e pesimistëve”, thuhet në përgjigjen e Zyrës për Komunikim të kryeministrit Haradinaj për Zërin.
