“Të vras”, “E han plumbin” | Çifti e kërcënojnë njëri – tjetrin
![Qeveria propozon shtesat për policët, përfitojnë 7 kategori – këto janë shumat](https://podujevapress.net/wp-content/uploads/2022/03/naimi.jpg)
Qeveria propozon shtesat për policët, përfitojnë 7 kategori – këto janë shumat
Kryeministri Albin Kurti, në mbledhjen e fundit të Qeverisë, tha se kanë dalë me një propozim për shtesat e rrezikshmërisë për Policinë e Kosovës.
Kurti deklaroi se janë të përfshira gjithsej 7 kategori në këtë propozim, ku shtesat do të variojnë për secilën kategori duke filluar nga 45 euro deri në 150 euro, transmeton Reporteri.net.
“Në këtë propozim përfshihen gjithsej 7 kategori të pozitave në Policinë e Kosovës, të cilat janë subjekt i shtesave të rrezikshmërisë. Shtesat për njësitë elitare (Njësia Speciale Intervenuese, Njësia për Ndërhyrje të Shpejtë dhe Njësia për Mbrojtje të Afërt), janë nga 150 euro shtesë pagës bazë. 120 euro shtesë për Njësitë Speciale Operative, K-9 dhe njësia për eksplozivët dhe deminim. Pjesëtarët e patrullave kufitare do të përfitojnë nga 100 euro në muaj, ndërsa pjesëtarët e hetuesisë nga 75 euro shtesë në muaj. Ekipet reaguese dhe patrullat, që njëherazi përbëjnë edhe numrin më të madh të Policisë së Kosovës, do të marrin nga 60 euro shtesë në muaj. Kurse, policëve që angazhohen për sigurimin e objekteve dhe ata në menaxhim të operacioneve, do t’ju ndahen nga 50 dhe respektivisht 45 euro shtesë të rrezikshmërisë. Kjo zgjidhje merr parasysh në veçanti situatën e tensionuar në veri të Kosovës dhe do të vazhdojë për aq kohë sa të jetë e nevojshme”.
Kurti tha se ky vendim merr parasysh situatën e tensionuar në veri të Kosovës dhe se ato do fillojnë së aplikuari prej nëntorit.
“Në të kaluarën, shtesat jo gjithmonë reflektonin nevojën dhe meritën. Ato rëndom kishin shkaktuar pabarazi në mesin e policëve. Ndërkaq, ky propozimi ynë për kategorizim është bërë në mënyrë të kujdesshme që mos të shtresohen dallimet dhe të mos përsëriten defektet e mëhershme. Dallimi në mes të shtesës më të lartë dhe asaj më të ulët, është përafërsisht 1 me 3, përkatësisht 3 me 1. Shtesat për rrezikshmëri do të fillojë së aplikuari nga paga e muajit nëntor. Kurse për muajt e deritanishme nga hyrja në fuqi e Ligjit të ri për Paga, shtesat e rrezikshmërisë, siç edhe kemi thënë më herët, do të ndahen në mënyrë retroaktive”, tha Kurti.