Qeveria në detyrë e Albin Kurtit ndan mjetet projekteve infrastrukturore përfshirë rrugën Podujevë–Prishtinë

Qeveria në detyrë, e udhëhequr nga Albin Kurti, më 5 dhjetor 2025 ka mbajtur një mbledhje elektronike në të cilën ka miratuar dy vendime buxhetore, mes tyre edhe ri-destinimin e një shume të madhe të mjeteve që prek disa projekte kapitale.

Sipas njoftimit të Zyrës së Kryeministrit, është aprovuar kërkesa e Ministrisë së Financave, Punës dhe Transfereve për realizimin e projekteve përmes marrëveshjeve me trupat e Kombeve të Bashkuara në vlerë prej 141,680 euro. Këto mjete janë zhvendosur brenda nënprogrameve të MFPT-së, nga kategoria “Subvencione dhe Transfere”, drejt nënprogramit “Thesari”.

Por pjesa më e madhe e vendimit lidhet me bartjen e buxhetit në vlerë totale prej 22,819,322.38 euro, të cilat janë ndarë si vijon:

• 5,460,000.00 € për KQZ-në,

• 40,000 € për Sekretariatin e KQZ-së,

• 7,875,360 € për mallra dhe shërbime,

• 4,773,334.83 € për subvencione dhe transfere,

• 10,132,628 € për investime kapitale, ku përfshihen:

• 5,591,628 € për shpronësime,

• 1.5 milion € për rrugën Podujevë–Prishtinë,

• 1.5 milion € për rrugën Prizren–kufi me Maqedoninë e Veriut. 

Pas bartjes së mjeteve, pjesë e këtyre fondeve do të përdoren edhe për organizimin e zgjedhjeve të 28 dhjetorit, mallra e shërbime, si dhe për mbështetjen financiare të partive politike.