Qeveria ndan 20 mijë euro për familjen gjilanase që humbën djemtë në tërmet

Ministri i Financave, Bedri Hamza ka njoftuar se ka ndarë një shumë prej 20 mijë eurosh për familjen e Isa dhe Shemsedin Abazi që vdiqën dje nga tërmeti në Shqipëri.

Vëllezërit nga fshati Livoç i Epërm kishin qenë në një hotel në Durrës ditën e martë kur tërmeti goditi.

Sipas njoftimit të Ministrit Hamza nga 10 mijë euro do të ndahen për secilin nga familjet e vëllezërve.

Nga tërmeti në Shqipëri mbetën rreth 30 të vdekur, qindra të lënduar dhe shumë të tjerë të pastrehë.