Qeveria e Kosovës do të investojë 4 milionë euro për ndërtimin e Zonës Industriale në Podujevë

Kryetari i Komunës, Shpejtim Bulliqi dhe Ministrja e Industrisë, Ndërmarrësisë dhe Tregtisë, Rozeta Hajdari kanë nënshkruar një marrëveshje jetike për zhvillimin ekonomik lokal atë të bashkëfinancimit për ndërtimin e Zonës Industriale në Podujevë në vlerë 3,882,152.00 euro.

MINT do të financojë në këtë projekt në vlerë prej 3,500,000.00 euro, kurse Komuna e Podujevës do të financojë në vlerë 382,152.00 euro.

Binzeset në Zonën Industriale do të jenë të veprimtarive të ndryshme prodhuese si; industri ushqimore, industri ndërtimore, industri të tekstilit etj, të cilat në mënyrë të drejtpërdrejtë do të ndikojnë në zhvillimin ekonomik lokal.

Kryetari Bulliqi e falënderoj ministren Hajdari për mbështetjen dhe bashkëpunimin në realizimin e projektit më të rëndësishëm ekonomik në komunën tonë.

Gjithashtu kryetari Bulliqi tha se “ky është projekti më i madh kapital që po realizojmë si qeverisje komunale, duke bërë një hap të madh për zhvillimin ekonomik lokal. Urime të gjithë qytetarëve llapjanë dhe na priftë e mbara!”.