Qeni kafshon fëmijën në çerdhe (VIDEO)

Një 4 vjeçar është sulmuar nga qentë endacakë brenda oborrit të kopshtit “Gëzimi Ynë” në kryeqytet.

Sipas prindit të tij, Hysni Lumi, plagët e fëmiut nuk janë të vogla, derisa gjendja e tij është stabile pas tretmanit që ka marrë.

Përveç fëmiut, nga stafi i kopshtit konfirmuan se lëndime ka marrë edhe një edukatore, e cila veç tjerash është në gjendje të rëndë emocionale.

Drejtoresha e kopshtit nuk ishte në vendin e punës, derisa stafi thanë se ajo ndodhet në pushim, jashtë vendit.

As të tjerë nga ky institucion nuk pranuan të flasin, anise qenë edhe dëshmitarë.

Në lidhje me shqetësimin nga qentë endacakë, u deklaruan nga kopshti se kanë dërguar kërkesa në drejtim të komunës. E në Drejtorinë e Arsimit në Prishtinë, nuk kthyen përgjigje në lidhje me këtë çështje.

Rastin e ka konfirmuar policia, ku thanë se pas intervistimit të prindërve e zyrtarëve të kopshtit, është përpiluar një raport për operativë, ndërsa ankuesit janë udhëzuar që të vazhdojnë me padi civile.

https://youtu.be/K7Tx92at3k8