Ekskluzive: I dënuar me 4 muaj burgim për kanosje, ky është personi
Qëndrimet e Kryepeshkopit serb të ngjashme me ato te Albin Kurtit për çështjen e demarkacionit
Mitropoliti malazias-anadetas i Kishës Ortodokse Serbe Amfillohije ka kundërshtuar Marrëveshjen për Demarkacionin mes Malit të Zi dhe Kosovës, duke porositur se ajo është kundër interesave kombëtare malaziase, transmeton Gazeta Express.
“Shënimi i vijës së demarkacionit është njëjtë sikur t’ia këpusësh damarët e gjakut Malit të Zi. Nuk mund të kuptoj se Mali i Zi aq lehtë heq dorë nga Metohia, e cila ka qenë pjesë e saj deri në vitin 1945. Heq dorë nga ajo që është e saj dhe që më 1912-n u lirua me gjakun e malazezëve”, ka thënë Amfillohie në Budvë.
Ai, sipas shtypit serb, ka thënë se me dekada “sistematikisht është punuar për dëbimin e popullatës ortodokse” nga Kosova.
“Tash mbi këtë duan të ndërtojnë linja demarkacioni, e kjo është pjesë shekullore e Malit të Zi. Nuk duhet harruar se Prizreni ka qenë selia e Vojislavleviqëve, Nemanjiqëve, e pastaj e Balshiqëve”, ka thënë kreu i Kishës serbe në Mal të Zi.
Amfillohije është i njohur për qëndrimet e tij ekstremiste nacionaliste serbe, siç është shpallja e shumë politikanëve serbë për “tradhtarë të çështjes kombëtare”. Ndër të anatemuarit nga ky prift është edhe presidenti serb Aleksandar Vuçiq, të cilin e akuzon për tradhti kombëtare për shkak të nisjes së dialogut brendaserb për Kosovën. Gjithashtu, është i njohur edhe për deklaratat se vrasja e ish-liderit serb Zoran Gjingjiq, për të cilën akuzohen struktura para-policore serbe, ka qenë “vullnet i Zotit”./Gazeta Express/
