Putin: Ne nuk kemi filluar ende asgjë seriozisht në Ukrainë, Perëndimi le të përfshihet nëse guxon

Presidenti rus Vladimir Putin tha, duke komentuar pushtimin rus në Ukrainë, se “Rusia nuk ka filluar ende asgjë serioze në Ukrainë”, njoftoi agjencia e lajmeve RIA Novosti.

“Të gjithë duhet ta dinë se, në pjesën më të madhe, ne nuk kemi filluar ende asgjë serioze”, tha Putin në një takim me liderët e grupeve partiake në Dumën e Shtetit, shkruan Al Jazeera, transmeton në shqip Reporteri.net.

“Në të njëjtën kohë, ne nuk i refuzojmë bisedimet e paqes, por ata që nuk i duan duhet ta dinë se do të jetë më e vështirë të arrihet një marrëveshje me ne (në një fazë të mëvonshme)”, shtoi ai.

“Luftë deri në ukrainasin e fundit”

Putin tha se nëse Perëndimi dëshiron të mposhtë Rusinë në fushën e betejës, është “i lirë ta provojë”.

“Sot dëgjojmë se duan të na mposhtin në fushën e betejës. Çfarë mund të themi? Lërini të provojnë”, tha ai.

“Ne kemi dëgjuar tashmë shumë se Perëndimi dëshiron të luftojë me ne deri në ukrainasin e fundit. Kjo është një tragjedi për të gjithë popullin ukrainas, por duket se gjithçka po shkon në atë drejtim”, shtoi Putin. /Reporteri.net