Pse shalqiri është superfruti i verës?

Sipas ekspertëve, përfitimet nga ky frut tropikal janë vërtet të mëdha. Tuli i kuq i shalqirit është i përbërë nga 92% ujë dhe përmban një sasi të madhe nutrientësh dhe vitaminash. Ju siguron një pamje rinore, përmirëson jetën në çift dhe ndihmon në mbajtjen e një peshe të shëndetshme.

Kur është fjala për lëkurën, shalqinjtë janë një burim i madh hidratimi duke e ndihmuar atë të qëndrojë e freskët, përmbajnë sasi të mëdha beta-karoten i cili funksionon kundër shenjave të plakjes. Vetëm nga një servirje shalqi (180 gr), ju mund të merrni 20% të sasisë ditore të rekomanduar të vitaminës C e cila stimulon dhe ruan prodhimin e kolagjenit.

Nëse synoni të ruani një peshë, shalqinjtë janë një vakt i ndërmjetëm i shkëlqyer dhe mund të integrohen në sallatra, smoothie ose ëmbëlsira. Ky frut nuk përmban sodium dhe yndyrna, përmban vetëm 40 kalori për servirje dhe është më i ulët se rrushi apo bananet në karbohidrate. I klasifikuar si frut me densitet të ulët energjie, shalqiri përmban pak kalori në një volum të madh të tij. Kjo do t’ju bëjë të ngopeni më shpejt dhe të hani më pak.

Shalqri gjithashtu përmban sasi të larta të likopenit, i cili ndihmon në forcimin e imunitetit dhe sipas disa shkollave të mendimit, lufton edhe qelizat kancerogjene. Likopeni gjithashtu redukton rriskun e një ataku me 20%.

Nëse vuani nga pagjumësia, likopeni mund  t’ju ndihmojë në zgjidhjen e këtij problemi. Ai përmban choline, e cila gjendet gjithashtu dhe në ushqime të tilla si vezë dhe brokoli, ndihmon për të rregulluar orën e brendshme të trupit dhe forcon imunitetin në të njëjtën kohë.

Kurse për sa i përket jetës intime…Shalqiri përmban citrulinë e cila konvertohet në argininë në trup, duke promovuar një qarkullim të shëndetshëm të gjakut. Në një studim në Teksas, Dr. Bhimu Patil arriti në konkluzionin se arginina rrit acidin citrik dhe ka efektin të relaksojë enët e gjakut, ashtu si efekti bazik i Viagra-s. Kështu që ndajeni me partnerin gjithmonë këtë frut.