Pse po e mban Bulliqi të fshehur këtë dokument ku Inspektorin e Tregut e bënë Zyrtar për Regjistrim të Bizneseve

Shpejtim Bulliqi zakonisht para mediave mburret se është shumë transparent para publikut duke publikuar të gjitha dokumentet zyrtare në faqen e komunës, mirëpo vendimi që është publikuar nga Këshilli i Pavarur Mbikëqyrës për Shërbimin Civil të Kosovës po del se këto deklarat nuk janë të vërteta.

Në faqen zyrtare të Komunës së Podujevës nuk gjendet dokumenti Nr.02-112/02-0060477/22 të dates 22.07.2022 të kryetarit të Komunës së Podujevës ku bëhet “transferi i përkohshëm” i Inspektorit të tregut nga drejtoria e Inspeksionit në Drejtorinë e Zhvillimit ekonomik në pozitën Zyrtar për regjistrim të bizneseve, shkruan PodujevaPRESS.net

Këshilli i Pavarur Mbikëqyrës për Shërbimin Civil të Kosovës e ka shfuqizuar vendimin e kryetarit të komunës së Podujevës, Shpejtim Bulliqit, përmes të cilit e vendos që inspektorin (emër i njohur për redaksinë) në “transferim të përkohshëm” nga pozita “Inspektor i Tregut”.

Inspektori i Tregut ka parashtruar ankesë në KPMShCK ku ky i fundit ka marrë vendim që ta anulojë vendimin e Bulliqit të datës 22.07.2022 dhe të njëjtin ta kthejë në vendin e tij të punës, njofton PodujevaPRESS.

Në vendim thuhej se ky transferim bëhej për shkak të nevojave dhe vëllimit të madh të punëve në kuadër të kësaj drejtorie.

Ky është vendimi: