Vdes mamia llapjane Sanije Topanica, iu ndihmoi grave në lindje gjatë luftës
Pritje të gjata të Haxhilerëve kosovar, bllokohen në Aeroportin e Prishtinës (Foto)
Besimtarët mysliman nga Kosova që kanë marrë rrugë për në vendet e shenjta në Mekë dhe Medinë për të kryer Haxhin, që nga dita e djeshme kanë mbetur të bllokuar në Aeroportin Ndërkombëtarë të Prishtinës, “Adem Jashari”.
Qytetarë të shumtë kanë drejtuar ankesat e tyre, në Indeksonline për pritjet e tyre që nga mbrëmë në ora 22:00.
Më tutje atyre iu është thënë se duhet të presin deri në ora 4:00 të mëngjesit për tu nisur, por edhe kjo kohë sipas tyre ka dështuar.
Agjencia turistike e kontraktuar nga Bashkësia Islame e Kosovës, tani iu ka thënë se duhet të presin deri në ora 16:00 të ditës së sotme për tu nisur.
Sipas qytetarëve shumë nga haxhilerët janë të stërlodhur nga pritjet e gjata.
Siç shihet edhe në foto persona të moshuar nuk kanë pasur zgjedhje të tjera veç se të flenë në karriget e aeroportit.
Ndërkaq pas tentimit të redaksisë të kontaktoj me zyrtar të BIK-ut për të shpjeguar situatën e krijuar të njëjtin nuk kanë dashur të flasin, me arsyetimin se është dite e diele. /Indeksonline/
