Priten reshje të borës në Podujevë |Tabela e motit për 4 ditë

Në fundjavë vjen “bisha nga lindja”, acari polar kaplon edhe vendin tonë.

23.02 – Të enjten pas mëngjesit me reshje të dobëta shiu, gjatë ditës mot kryesisht i vranët. Të premten mot kryesisht i vranët, kohë pas kohe me riga lokale shiu.

24.02 – Mot i ftohtë dhe kryesisht i vranët. Kohë pas kohe me riga lokale shiu, që më vonë do të shndërrohen në borë.

Pas përmirësimit të kualitetit të ajrit gjatë ditëve të fundit, nga erërat e forta jugore, ditëve të ardhshme nuk do të ketë qarkullim të mjaftueshëm ajror, ndaj vlerat ditore të AQI do të lëvizin ndërmjet vlerave mesatare dhe të pashëndetshme.

Temperaturat e ajrit deri në fundjavë do të luhaten rreth vlerave mesatare për këtë periudhë kohore, e nga dita e diel do të zbresin ndjeshëm nën këto vlera. Minimalet do të luhaten nga 2C deri 3C, e maksimalet deri në 10C. Nga fundjava minimalet do të zbresin deri në -6C, e ato maksimale deri në -3C. Sipas parashikimeve të fundit minimalet në fillim të javës pritet të zbresin edhe nën -10C.

Era do të fryjë mesatarisht nga lindja-juglindja 2-5m/s, e në fundjavë mesatarisht e fuqishme nga verilindja 3-11m/s.

Shtypja atmosferike do të shënojë rritje të lehtë rreth vlerave normale.