Presidenti flet për zgjedhjet e parakohshme

Presidenti Hashim Thaçi në një intervistë për agjencinë e lajmeve Beta, ka folur edhe për zgjedhjet e parakohshme.

Ai ka thënë se, nëse koalicioni qeverisës e sheh të nevojshme që të shkohet në zgjedhje të parakohshme, ai si President do të respektoj këtë vendim, por deri tani sipas tij, ende nuk ka një vendim të tillë, përcjellë gazetametro.net.

Duke folur për Demarkacionin, Thaçi ka thënë se Kuvendi i Kosovës duhet të marrë vendime në interes të qytetarëve të saj, dhe sipas tij, kjo barrë bie veçanërisht mbi koalicionin qeverisës që ka vota të mjaftueshme të shtyjë përpara procese dhe vendime të rëndësishme për Kosovën dhe qytetarët e saj.

Partitë që përbëjnë koalicionin qeverisës, sipas presidentit Thaçi, deri tani kanë treguar se kur duan, dinë të bashkërendojnë veprimet e tyre në Kuvend. /gazetametro.net