Prej sot diaspora llapjane mund të regjistrohen si votues jashtë Kosovës për zgjedhjet në Podujevë

Zgjedhjet e jashtëzakonshme për kryetar të Komunës së Podujevës do të mbahen më 15 mars. Komisioni Qendror i Zgjedhjeve ka miratuar planin e buxhetit për këto zgjedhje.

Në KQZ kanë treguar se aplikimi i subjekteve politike dhe kandidatëve që ka nisur nga data 8 shkurt dhe do të jetë i hapur deri më 17 shkurt, pra deri nesër.

“Aplikimi i  subjekteve politike dhe kandidatëve fillon më 8 shkurt dhe më 17 shkurt 2020.  Tërheqja e shortit për renditjen e subjekteve politike dhe kandidatëve në fletëvotim do të mbahet më 2 mars 2020.

Ndërsa periudha e aplikimit për t’u regjistruar votues jashtë Kosovës fillon më 16 shkurt dhe përfundon më 23 shkurt 2020. Periudha e votimit përmes postës fillon më 3 mars dhe përfundon më 13 mars 2020. Për tu regjistruar si votues ju duhet të aplikoni në faqen e KQZ-së këtu: 

http://www.kqz-ks.org/sherbimet-per-votuesit/votimi-me-poste/

Periudha e aplikimit për t’u regjistruar votues me nevoja të veçanta fillon më 26 shkurt dhe përfundon më 1 mars 2020”.

Ndërkaq procesi i fushatës zgjedhore do të fillojë më 3 mars.

“Fushata Zgjedhore për subjektet politike dhe kandidatët fillon më 3 mars dhe përfundon më 13 mars 2020. Afati për aplikim për akreditim të vëzhguesve të subjekteve politike dhe OJQ-ve fillon më 14 shkurt dhe përfundon më 10 mars 2020. Afati për aplikim për akreditim të vëzhguesve ndërkombëtarë të zgjedhjeve dhe mediave fillon më 14 shkurt dhe përfundon më 12 mars 2020. Periudha për formimin e Komisionit Komunal të Zgjedhjeve fillon më 8 shkurt dhe përfundon më 14 shkurt 2020. Periudha për formimin e Këshillave të Vendvotimit fillon më 25 shkurt dhe përfundon më 6 mars 2020”, thuhet në njoftimin e KQZ.

Ndërkohë, sistemi zgjedhor parasheh që kuvendi komunal nuk na nevojë të shkojë në zgjedhje, por në zgjedhje shkon vetëm posti i kryetarit të komunës.