Presidenti Thaçi sot ka bërë gradimin e dy llapjanëve në gjeneralbrigade në FSK (FOTO)

Presidenti i Republikës së Kosovës, Hashim Thaçi, në mbështetje të kompetencave të tij kushtetuese e ligjore dhe në pajtim me rekomandimin e përbashkët të Ministrit të Forcës së Sigurisë së Kosovës dhe Komandantit të Forcës së Sigurisë së Kosovës, sot ka bërë gradime dhe emërime të reja në Forcën e Sigurisë së Kosovës, transmeton PodujevaPRESS.com

Presidenti Thaçi, ka graduar pesë kolonelë të Forcës së Sigurisë së Kosovës në gradën gjeneralbrigade.

Në gjeneralbrigade është graduar edhe koloneli i deritashëm Skënder Zhitia, i cili është emëruar në pozitën Drejtor i Departamentit të Personelit në Ministrinë e Forcës së Sigurisë së Kosovës.

Edhe kolonel Naim Haziri është graduar në gjeneralbrigade dhe është emëruar në pozitën Komandant i Brigadës së Mbështetjes Operacionale në Forcën e Sigurisë së Kosovës.

Kujtojmë se Naimi dhe Skënderi ishin pjestarë të Ushtrisë Çlirimtare të Kosovës dhe të dy janë nga komuna e Podujevës. /PodujevaPRESS.com/

Naim Haziri është graduar në gjeneralbrigade dhe është emëruar në pozitën Komandant i Brigadës së Mbështetjes Operacionale në Forcën e Sigurisë së Kosovës

Gjeneralbrigade Skënder Zhitia, është emëruar në pozitën Drejtor i Departamentit të Personelit në Ministrinë e Forcës së Sigurisë së Kosovës.