Policia: Vëlla e motër 13 vjeç, shkelen për vdekje nga një veturë në Drenicë

Një aksident tragjik trafiku ka ndodhur sonte në qytetin e Skenderajt. Një veturë ka goditur dy këmbësorë të miturë, përkatësisht një vëlla e një motër, transmeton gazetametro.

Si pasojë e aksidentit ka vdekur fëmija i moshës 13 vjeçare ndërsa motra e tij është jashtë rrezikut për jetë.

Zëdhënësi i Policisë për rajonin e Mitrovicës, Avni Zaiti  ka dhënë detaje nga ky rast.

Ai ka treguar se i dyshuari është arrestuar dhe se gjendet në ndalim policor.

“Po aksidenti ka ndodhur në qytetin e Skenderajit, ku vetura ka goditur dy këmbësor, në këtë rast dy fëmijë. Të lënduarit janë dërguar nga spitali i Mitrovicës në QKUK në Prishtinë. Por, rreth orës 18 e 50 na kanë njoftuar se njëri nga fëmijët, djali i moshës 13 vjeçare ka ndërruar jetë”, ka thënë Zaiti.

Ai ka shtuar se i dyshuari, përkatësisht shkaktari i aksidentit është arrestuar dhe ndaj tij është shqiptuar masa e ndalimit policor.