Policia operacion me AKI’në- kapen drogë në vlerë prej rreth 70 mijë eurosh, arrestohen katër persona

Policia e Kosovës, Agjencia e Kosovës për Inteligjencë dhe Prokuroria kanë realizuar një operacion ku kanë arrestuar katër persona dhe kanë konfiskuar substancë narkotike në vlerë prej rreth 70 mijë eurosh.

Në njoftimin e policisë thuhet se përgjatë kontrollit të shtëpisë së të dyshuarit S.S. në Grekoc të Suharekës, janë konfiskuar rreth 50 kilogramë marihuanë, para të gatshme, telefona dhe një veturë e tipit BMW.

“Lidhur me rastin është njoftuar Prokuroria dhe në vazhdën e operacionit policor me autorizim nga prokurori/ja kujdestare është realizuar kontrolli i shtëpisë së të dyshuarit me iniciale (S. S.) në fshatin “Grekoc” të Suharekës dhe gjatë kontrollit si prova/dëshmi materiale janë sekuestruan si në vijim:

Pesë (5) paketime të mbushura me substancë të dyshuar narkotike e llojit Marihuanë me peshë 50.600

Kilogram ( Pesëdhjetë kilogram e 600 gram).

Një (1) pushkë gjuetie dhe 30 fishek.

Një (1) diviar.

Një (1) veturë,.

Një (1) telefon Samsung me kartela të operatorëve Vala dhe Ipko.

Një (1) peshore digjitale.

Para të Gatshme, (1425) Njëmijë e katërqind e njëzet e pesë Euro.

Një (1) Iphone 12 pro.

Një (1) telefon Samsung.

Një (1) telefon Iphone XS .

Një (1) Telefon Nokia .

Një (1) veturë BMW”, thuhet në njoftim.

“Të dyshuarit e arrestuar janë intervistuar në prezencë të avokatit mbrojtës dhe me vendim të prokurorit të shtetit ndalohen për 48 orë për procedura të mëtejme ligjore. Vlera e substancës së dyshuar narkotike e cila është konfiskuar është rreth 70.000.00 euro ( Shtatëdhjetë mijë Euro)”, përfundon njoftimi. /Insajderi.org/