Kosova në proces zgjedhor: Dalja e votuesve deri në orën 11:00 në

Policia në Podujevë: Gjendja e përgjithshme e sigurisë është stabile dhe e menaxhushme
Këshilli Komunal për Siguri në Bashkësi i Komunës së Podujevës (KKSB) ka mbajtur mbledhjen e rregullt të kryesuar nga drejtori i Shërbimeve Publike, Bahri Selimi, njëherit edhe anëtar në KKSB, në këtë mbledhje është analizuar gjendja e sigurisë në Komunën e Podujevës dhe miratuar procesverbali nga mbledhja e mbajtur me 20 tetor 2023, thuhet në njoftimin për media, transmeton PodujevaPRESS.net
Lidhur me pikën “Raporti i Policisë së Kosovës për gjendjen e sigurisë në komunë”, raportoi komandanti Nijazi Jashari, i cili theksoi se gjendja e përgjithshme është stabile dhe e menaxhushme. Komandanti Jashari veçoi rastin e mbajtjes së meshës së parë Ortodokse në shqip për 28 Nëntor, ku thuhej që kishte pjesëmarrës nga komuna, dhe përfaqsues të besimeve të ndryshme fetare, por realiteti i gjithë kësaj ishte se asnjë zyrtar i saj nuk ka marrë pjesë në cilësinë zyrtare në atë meshë, dhe se mesha ishte realizuar pa ndonjë incident, secili individ kishte përfaqësuar vetveten dhe asgjë më shumë. Lidhur me këtë çështje ngritën shqetësimet dhe dhanë komentet e tyre anëtarët e Këshillit Komunal për Siguri në Bashkësi, Shemsi Jashari, Liman Zeqiri dhe Nuhi Selimi.
Ndërsa përfaqësuesi i KFOR-it gjithashtu gjendjen e përgjithshme të sigurisë në Komunën e Podujevës e vlerësoi të qetë dhe stabile.
Tek pika “Informatë për rastet e ngritjes së shkallës së gatishmërisë në situatë emergjente” drejtori i Shërbimeve Publike, Mbrojtje dhe Shpëtim,Bahri Selimi prezantoi angazhimet dhe punët që janë kryer për ngritjen e shkallës së gatishmërisë në situatë emergjente, ku theksoi përgatitjet e të gjitha procedurave ligjore për ngritjen e shtabit, e ku janë paraparë përgatitjet nga të gjitha fatkeqësitë e mundshme natyrore. Drejtori Selimi gjithashtu përmendi që përgatitjen e Planit Operativ Emergjent i cili në fund të muajit do të dal për miratim në kuvend komunal, gjithashtu në përgatitje e sipër është Plani i Veprimit dhe Plani i Vlerësimit të rreziqeve. Ndërsa foli edhe për punët që janë bërë në ngritje të sigurisë përmes rregullimit, shtimit dhe fuksionalizimit të kamerave ekzistuese, ku tani numri aktual është mbi 80 kamera në qytet.
Te pika 4 e rendit të ditës “Formimi i grupit punues për përgatitjen e planit të punës 2024” dhe “Formimi i Grupit punues për përgatitjen e Informatës për punën e KKSB për 2024” koordinator është zgjedhur drejtori i Arsimit, Avni Fetahu, njëherit anëtar i grupit punues ndërsa me vota njëzëri vazhdohet mandati i grupit ekzistues edhe për vitin 2024.