Policia në Podujevë arreston tre persona të dyshuar për narkotikë

Policia e Kosovës (PK) gjatë 24 orëve të fundit ka arrestuar tre persona, të cilëve iu është gjetur substancë narkotike.

Sipas raportit PK-së, arrestimi i tre të dyshuarve ka ndodhur në rrugën “Zahir Pajaziti” në Podujevë, pasi që gjatë kontrollit tek të njëjtit janë gjetur dhe konfiskuar tri qese me substanca narkotike të llojit “Marihuanë”, me peshë totale 38.59 gram.

Ky rast thuhet se, sipas vendimit të prokurorisë, shkon në procedurë të rregullt.