Policia në Podujevë arreston një person sepse e kishte ngacmuar një grua

Sipas Policisë, dje rreth orës 16:30 në rrugën ‘Zahir Pajaziti’ në Podujevë është arrestuar një i dyshuar pasi që i njëjti e kishte ngacmuar një grua.

Me urdhër të prokurorit i dyshuari pas intervistimit është dërguar në mbajtje.

Në vitin 2019  ka hyrë në fuqi Kodi i ri Penal për veprën penale “Ngacmim Seksual” i cili parasheh dënim me gjobë dhe burgim deri në 3 vite për këdo që ngacmon seksualisht personin tjetër, në veçanti personin i cili është i ndjeshëm për shkak të moshës, sëmundjes, paaftësisë, varësisë, shtatzënisë, paaftësisë së rëndë fizike apo mendore.

Nga të dhënat  e Policisë së Kosovës, gjatë vitit 2019 janë raportuar 41 raste të ngacmimit seksual ndërsa në vitin 2020 janë raportuar 4 raste.

Ndërsa në Gjykatën Themelore në Prishtinë për vitin 2019, vetëm një rast i ngacmimit kishte lëndë në dhe se asnjë rast nuk është dënuar për kryerjen e kësaj vepre  penale.