Policia ndalon një të dyshuar në Podujevë, 13 persona tentojnë ta nxjerrin nga vetura

Policia e Kosovës ka bërë të ditur se të martën ka arrestuar një person në fshatin Dobratin të Podujevës, por që ka hasur në disa probleme gjatë marrjes së tij.

“Njësitet policore pasi kishin arrestuar një person në bazë të urdhëresës së gjykatës, rreth 12-13 persona kanë bllokuar rrugën  dhe i kanë penguar zyrtarët policorë, duke tentuar që t’i hapin dyert e veturës zyrtare, me qëllim të lirimit të personit të arrestuar, por nuk kanë arritur dhe i arrestuari-kërkuari është dërguar në vuajtje të dënimit”, thuhet në raport, transmeton Indeksonline.

Sipas policisë, njëri nga të dyshuarit mashkull K/Shqiptar ka kanosur njërin nga zyrtarët policorë.

Lidhur me rastin është informuar prokurori dhe njësitet policore janë duke hetuar rastin. /Indeksonline/