Policia kap drogë në qendër të Podujevës

Policia e Kosovës ka gjetur dhe konfiskuar një sasi të drogës në qendër të Podujevës. Rasti ka ndodhur të martën rreth orës 23 e 40 minuta në rrugën “Zahir Pajaziti”.

“Njësia policore gjatë kontrollit të të dyshuarit mashkull kosovar, afër veturës së tij të parkuar ka gjetur dhe konfiskuar një sasi të dyshuar të substancës narkotike të llojit marihuanë me peshë 17.88 gram”, thuhet në raportin e policisë.

Pas intervistimit të personit të dyshuar, me urdhër të prokurorit kujdestar, rasti kalon në gjykatë në procedurë të rregullt./IndeksOnline/