Policia jep detaje për gjetjen e trupit të pa jetë tek ‘Xhamia e Llapit’

Gjatë ditës së sotshme tek ‘Xhamia e Llapit’ , një person është gjetur i vdekur në shtëpinë e tij.

Indeksonline kontaktoi me zëdhënësen e Policisë së Kosovës, Flora Ahmeti.

“Sot rreth orës 13:30 në stacionin policor Qendra në Prishtinë është hapur një rast vdekje e dyshimtë.

Viktimë në këtë rast është një person i gjinisë mashkullore, i cili është gjetë pa shenja jete në shtëpinë e tij në rrugën ‘Murat Mehmeti’ në Prishtine.

Vdekjen e viktimës e ka konstatuar ekipi mjekësor në vendngjarje.

Me rastin po merren njësitet kompetente policore.”, tha ajo.