Policia jep detaje për aksidentin e ndodhur në Vranidoll, ku u lënduan tre persona

Një aksident trafiku ka ndodhur në fshatin Vranidoll të Prishtinës.

Policia e Kosovës ka njoftuar se aksidenti ka ndodhur rreth orës 13:50 ku tre persona kanë pësuar lëndime trupore.

“Rreth orës 13:50, po ashtu është raportuar për një aksident trafiku në  Vranidoll, ku janë përfshirë dy automjete dhe tre persona kanë pësuar lëndime trupore”, ka treguar për Demokracia.com, Daut Hoxha, zëdhënës i Policisë së Kosovës.

Tutje ai ka thënë se të gjitha njësitë policore kanë dalë në vendin e ngjarjes dhe janë duke i hetuar shkaqet e këtij aksidenti.