Policia jep detaje për aksidentin e djeshëm ku vdiq këmbësori në fshatin Dobërdol (Video-Foto)

Policia e Kosovës ka bërë të ditur se në aksidentin që ndodhi dje në fshatin Dobërdol të Podujevës, e për të cilin PodujevaPRESS kishte raportuar, janë arrestuar dy shoferët e veturave.

“Ka ndodhur aksident trafiku në mes dy veturave civile dhe një këmbësori mashkull K/shqiptar. Si pasojë e aksidentit, këmbësori ka ndërruar jetë, ndërsa dy vozitësit meshkuj K/shqiptar janë arrestuar, dhe me urdhër të prokurorit janë dërguar në mbajtje. Trupi i pajetë  viktimës është dërguar në IML për obduksion”, thuhet në raportin 24 orësh të Policisë së Kosovës.