Policia jep detaje në lidhje me letrën kërcënuese të “ISIS”-it që u gjet në UP

Policia e Kosovës ka dhënë detaje në lidhe me letrën kërcënuese të “ISIS”-it që u gjet sot në UP.

Sipas zëdhënësit të Policisë së Kosovës për Rajonin e Prishtinës, Agron Borovcit, policia është duket hetuar në lidhje me letrën e lënë në UP, dhe thotë se letra nuk përbënë kërcënim të përgjithshëm.

“Ju e dini se policia ndërmerr veprime për sigurinë e qytetarëve. Brenda disa persona janë infiltruar dhe policia ka nxjerr disa persona nga ky organizim dhe është neutralizuar situata. Kemi pasur 5 policë qe kanë kërkuar ndihmë dhe 3 persona janë lënduar dhe  13 persona janë sjell në stacion”, tha ai.

Sipas Borovcit, lidhur me informacionin e letrës së ISIS, thotë se ajo është gjetur në njërën nga tavolinat e UP policia ka dal në vend ngjarje dhe është duke punuar që në hollësi ta analizojë këtë letër dhe t’i hetojë personat, raporton lajmi.net.

“Përmbajtja e letrës nuk përbën kërcënim për dike tjetër, por i është drejtuar vetëm UP. Deri më tani janë intervistuar disa persona dhe jemi duke punuar në hetime. Policia ka mekanizma tjerë të zbulimit dhe jemi duke punuar në këtë fazë”, tha ai.

Borovci thotë se letra është shkruar me dorë dhe nuk ka logo, ndërkaq thotë se po punohet me seriozitet dhe për të gjetur motivet e saj. /Lajmi.net/