Peci dorëzohet para presionit publik: Anulon grantet për këshilltarin e tij dhe
Policia jep detaje në lidhje me kërcënimin ndaj Thaçit, Kurtit, Ahmetit e Tërnavës: Ishin…
Një person ka raportuar se në mure të Fakultetit Filologjik, të dyshuar të pa njohur, kanë shkruar mbishkrime kërcënues kundër Kryetarit të Komunës së Prishtinës, Kryetarit të Bashkësisë Islame të Kosovës, Presidentit të Kosovës dhe liderit të VV-së.
Kërcënimi ka të bëjë me lejen e ndërtimit të xhamisë në lagjen Dardan në Prishtinë.
Njësitet përkatëse policore janë duke hetuar rastin.
Policia e Kosovës është duke e hetuar rastin e grafiteve kërcënuese të shkruara në muret e Fakultetit Filologjik. Agron Borovci, zëdhënësi i Policisë në rajonin e Prishtinës, ka thënë për “Zeri.info” se Policia është duke punuar për të sqaruar rastin e këtyre grafiteve.
“Rreth orës 10:30 dje, policia ka marrë informacionin dhe menjëherë ka ndërmarrë veprimet e nevojshme, që ndërlidhen me ekzaminimin dhe marrjen e mostrave të nevojshme nga vendngjarja që mund të kontribuojnë në fazat e më pastajme të hetimit. Mbështetur në hetimin preliminar si dhe këqyrjen e vendit të ngjarjes policia në koordinim edhe me prokurorin e shtetit ka filluar një hetim lidhur me shkrimin e grafiteve që konsiston në kanosjen e personave zyrtar.”, ka thënë Borovci.
Mengjesin e sotëm, gazeta “Zeri”, ka raportuar se presidenti i Kosovës Hashim Thaçi, kryetari i Prishtinës Shpend Ahmeti, ish-kryetari i VV-së Albin Kurti dhe i pari i bashkësisë islame, Naim Tërnava, janë kërcënuar publikisht, me anë të këtyre grafiteve nga njerëz të panjohur.
Shkak i këtyre kërcënimeve sipas shënimeve është xhamia e cila është planifikuar të ndërtohet në Dardani.
Ndërkohë edhe Bashkësia Islame, ka reaguar ndaj këtyre kërcënimeve, të cilat i ka quajtur të papranueshme dhe të dënueshëm për shoqëritë normale.
“Institucionet e vendit e as udhëheqja e BIK-së nuk ndikohet nga individë të natës që thërrasin në dhunë e mbjellin urrejtje e mosdurim. Jemi të bindur që autorët dhe mentorët e këtij veprimi qyqar nuk paraqesin qëndrimin e qytetarëve të Prishtinës e as të vendit”, thuhet në një komunikatë të BIK-ut.
