Policia intervenon në degën e Gjykatës në Podujevë: Arrestohet i dyshuari që kërcënoi gjatë seancës

Jo rrallëherë ka pasur incidente në gjykatat e vendit, qoftë para ose pas seancave apo edhe gjatë zhvillimit të tyre. Palët që marrin pjesë në seanca shpesh përfshihen në konflikte verbale për çka nevojitet ndërhyrja e Policisë, raporton Gazeta Sinjali.

Një rast i tillë ka ndodhur sot në Gjykatën Themelore në Prishtinë, dega në Podujevë, një gjatë një seance gjyqësore, i dyshuari B.S., e ka kërcënuar një palë për motive akoma të panjohura. Kjo ka bërë që të kërkohet ndihma e Policisë për të intervenuar në gjykatë.

Posa Policia ka marrë informacionin për rastin, ka dalë në vendin e ngjarjes, ku është arrestuar dhe shoqëruar në stacion policor i dyshuari.

I njëjti ka dhënë deklaratë para hetuesve policore dhe pas përfundimit të procedurave policore, Prokurori i Shtetit ka urdhëruar masën e ndalimit ndaj të dyshuarit dhe inicimin e rastit si “Kanosje”.