Policia identifikon sulmuesit e Zogajt, janë nga Podujeva

Policia e Kosovës ka identifikuar sulmuesit e drejtorit të Shërbimit Korrektues të Kosovës (SHKK), Sokol Zogaj.

Ata tashmë janë vënë në kërkim të Policisë, ndërsa të premten pasdite Policia e Kosovës ka zhvilluar një aksion për arrestimin e tyre, duke bastisur shtëpitë e të dyshuarve.

Siç ka mësuar gazeta Koha Ditore, tre të dyshuarit janë nga rajoni i Podujevës.

Zogaj është rrahur mëngjesin e së mërkurës nga persona të maskuar. Sulmi ndaj tij ka ndodhur në hyrjen e banesës ku ai banon.

Ai është rrahur me shufra metalike dhe me mjete të tjera të forta në kohën kur po shkonte në punë.

_____________________

Policia ka arrestuar tre persona të dyshuar për sulm ndaj Sokol Zogajt, drejtorit të Shërbimit Korrektues të Kosovës.
Insajderi mëson se të arrestuarit janë Blerim Abdullahu, Burim Zhejqi, Guri Mulolli.

Gjatë aksionit të zhvilluar sot, policia ka konfiskuar automjetin me të cilin dyshohet se është përdorur për ikjen e tyre pas sulmit.

Aksioni i bastisur është zhvilluar në disa lokacione në Prishtinë, raporton Insajderi.

Zogaj është rrahur mëngjesin e së mërkurës nga persona të maskuar. Sulmi ndaj tij ka ndodhur në hyrjen e banesës ku ai banon.

Ai është rrahur me shufra metalike dhe mjete tjera të forta në kohën kur po shkonte në punë, raporton Insajderi. Zogaj ka marrë trajtim në Qendrën Klinike Universitare të Kosovës (QKUK), ku po qëndron ende.