Policia e Podujevës shqipton 144 gjoba për mos respektim të masave anti-Covid

Shtabi Emergjent i Komunës së Podujevës për veprime dhe masa parandaluese e mbrojtëse nga Covid-19 ka mbajtur takim, në të cilin ka shqyrtuar gjendjen aktuale me pandeminë, respektimin e masave mbrojtëse dhe rikthimin në zonën e kuqe.

Në takimin e sotëm të Shtabit Emergjent, të udhëhequr nga nënkryetarja e Komunës, Marigona Lahu, u diskutua për situatën e përgjithshme epidemiologjike në Komunën e Podujevës, pas shtimit të rasteve me të infektuar gjatë ditëve të fundit dhe rikthimit në Zonën e Kuqe.

Shefja e sektorit të operativës nga Stacioni i Policisë, Valbona Blakçori, tha se janë duke zbatuar planin operativ në përputhje me Ligjin anti-Covid. Ajo tha se nga 01 deri më 18 janar janë shqiptuar 144 gjoba, prej tyre 134 për mos mbajtje të maskës, dy për mos respektimin e masës së vetizolimit dhe 8 tjera për mos respektim të kufizimit të lëvizjes.

Koha e lejuar për operim të kafiterive-gastronomisë theksoi që mbetet deri në 21:00, ndërsa për lëvizje qytetare deri ne 21:30.