Policia e Podujevës: Pas ndërmarrjes së masave të fundit anti-COVID, kemi shqiptuar 334 gjoba

Shtabi Emergjent i Komunës së Podujevës për veprime dhe masa parandaluese e mbrojtëse nga Covid-19 ka mbajtur takim, në të cilin ka diskutuar për gjendjen aktuale me pandeminë, dhe propozimin për lehtësimin e masava të fundit të ndërmarra nga Qeverisë së Kosovës, thuhet në njoftimin e zyrës për Informim e kësaj komune, transmeton PodujevaPRESS.net

Ndërsa, epidemiologia Bedrie Rama tha se situata me pandeminë është e menaxhueshme dhe se javën e fundit kemi një rënie të lehtë. Ajo tha se tani në Komunën e Podujevës janë 3,748 persona të shëruar nga coronavirusi, 359 persona janë aktivë dhe 56 persona nuk i kanë mbijetuar këtij virusi.

Togerja Antigona Çitaku – shefe e Operativës në Stacionin Policor në Podujevë, tha se policia është duke aplikuar planin operativ për zbatimin e masave mbrojtëse kundër COVID-19.

Togerja Çitaku tha se gjatë periudhës së ndërmarrjes së masave të fundit anti-COVID nga Qeveria e Kosovës, janë shqiptuar gjithsej 334 gjoba për mos bartje të maskës dhe mosrespektim të orës policore.