Policia e Kosovës tregon dhëmbët: Arreston ata që janë pa maska |PAMJE

Përpjekje të parreshtura po bëhen edhe në komunën e Vushtrrisë si një prej më të prekurave javëve të fundit nga Covid-19 për të parandaluar përhapjen e mëtutjeshme të pandemisë, e duket se gjithë kjo po bëhet pas vendimit të Qeverisë së Republikës së Kosovë që obligon qytetarët të bartin maska.

Për këtë qëllim Inspektorati i komunës dhe Policia e Kosovës janë parë para pak momentesh duke bërë një kontrollë rutinore duke kontrolluar nëse qytetarët po bartin maska sipas masave të vendosura nga qeveria e Kosovës për parandalimin e Covid-19.

Në vijim keni mundësinë të shihni disa nga fotografitë ku shihen Inspektorati dhe Policia duke bërë kontrolle dhe ndaluar qytetarët që nuk po bartin maska.

Sqarim: Disa prej fytyrave të qytetarëve të ekspozuara në fotografi janë mbuluar qëllimisht për të ruajtur privatësinë!