Policia e Kosovës jep detaje rreth plagosjes që para pak çastesh ndodhi në Kodër të Trimave!

Zëdhënësja e Policisë së Kosovës, Flora Ahmeti në një prononcim për “Gazeta Blic”, ka dhënë detaje rreth plagosjes së një personi që ka ndodhur para pak çastesh në Kodër të Trimave. 

Ahmeti ka thënë se një person është plagosur ndërsa Policia ka arrestuar personin që dyshohet se ka gjuajtur me armë.

“Viktima është transferuar në QKUK për trajtim mjekësor dhe aktualisht është jashtë rrezikut për jetë”, ka thënë ajo.

Ajo ka bërë të ditur se rreth orës 19:30, Policia ka marrë informacione për plagosje me armë zjarri në rrugën “Vëllezërit Fazliu” në Prishtinë.

Njoftimi i plotë i Policisë së Kosovës: 

Rreth ores 19:30 policia ka marre informaten per nje plagosje me arme zjarri te ndodhur ne rrugen “Vellezerit Fazliu” ne Prishtine. Menjehere te gjitha njesite policore kane dale ne vendin e ngjarjes dhe kane filluar ndermarrjen e te gjitha veprimeve te nevojshme hetimore e operative.

Nga rezultatet e para te veprimeve hetimore policore dyshohet per nje person te plagosur nga arma e zjarrit. Ne te njejten kohe policia ka arrestuar nje person te dyshuar si dhe ka konfiskuar nje arme e cila dyshohet te jete arma e perdorur ne rast. VIktima eshte transferuar ne QKUK per trajtm mjekesor dhe aktualisht eshte jashte rrezikut per jete. Nderkaq policia eshte duke punuar per ndriqimin dhe sqarimin e te gjitha rrethanave te rastit.