Peci dorëzohet para presionit publik: Anulon grantet për këshilltarin e tij dhe
Policia arreston hajnin e Podujevës
Të hënën, Policia e Kosovës ka arrestuar një të dyshuar për grabitje në Podujevë. Express merr vesh se ai po dyshohet se ka marrë pjesë në grabitjen e një lokali në Podujevë. Atij Prokuroria i ka caktuar masën e ndalimit prej 48 orëve, shkruan Express.
Rastin për Express e ka konfirmuar komandanti i Stacionit Policor në Podujevë, Bekim Bislimi.
Bislimi ka thënë se pas një pune intensive hetimore nga sektori i hetimeve është identifikuar dhe arrestuar personi i cili e ka kryer veprën e grabitjes.
Ai deklaron se në konsultim me prokurorin e rastit, ndaj të dyshuarit është caktuar masa e ndalimit prej 48 orëve.
“Më datë 21 të këtij muaji në fshatin Shtedim është raportuar për një rast grabitje. Pas një punë intensive hetimore nga sektori i hetimeve është identifikuar dhe arrestuar personi i cili e ka kryer veprën e grabitjes. Si provë materiale, njësiti i hetimeve të stacionit policor në Podujevë ka sekuestruar edhe mjetin e dyshuar me të cilin është kryer vepra. Në konsultim me Prokurorin e rastit, ndaj të dyshuarit është caktuar masa e ndalimit prej 48 orëve. I dyshuari në fjalë është i moshës madhore”, ka thënë Bislimi.
Express merr vesh se i njëjti po dyshohet se ka marrë pjesë në grabitjen e një lokali në Podujevë. /Gazeta Express
