Polici me COVID-19 nga Podujeva i cili ishte në rrezik për jetë, lirohet nga trajtimi intensiv

Polici i Kosovës me iniciale Rafet Dervisholli, është liruar nga Klinika e Mjekësisë Sportive në Prishtinë pasi gjendja e tij shëndetësore është përmirësuar.

Lajmin për Gazetën Sinjali e ka konfirmuar epidemiologia Bedrie Rama, e cila ka thënë se polici në fjalë ka qenë në rrezik për jetë dhe ishte trajtuar në mjekim intensiv.

Epidemiologia ka thënë për Gazetën Sinjali se polici para 10 ditësh ka rezultuar negativ në testin për COVID-19, por për shkak të gjendjes së rënduar shëndetësore nuk është shpallur i shëruar.

“Është liruar nga spitali gjatë ditës së sotme, mirëpo ende nuk është shpallë i shëruar. Ne e përcjellin gjendjen e tij shëndetësore. Ka qenë në Klinikën Infektive në QKUK, pastaj në Mjekësin Sportive, ka qenë shumë keq. Tani është liruar në shtëpi. Është më mirë. Ende është me terapi. Para 10 ditësh ka rezultuar negativ në testin për COVID-19, mirëpo për shkak të disa komplikacioneve që i ka pasur nuk është shpallë i shëruar. Nuk ka virus, është negativ. Ka qenë shumë keq, në rrezik për jetë’, ka thënë Rama.