PODUJEVË: Zona industriale në Livadicë, peng i pronësisë së kontestuar

Zvarritet hapja e një zone industriale në fshatin Livadicë të Podujevës. Ky në fakt, sipas Institutit për Studime të Avancuara GAP, është një nga premtimet e papërmbushura të kryetarit të kësaj komune, Agim Veliu, gjatë mandatit të kaluar.

Megjithatë, këtë premtim Veliu e kishte bërë edhe më herët, që nga fushata e zgjedhjeve lokale të vitit 2009. Vetëm një hap e kishin ndërmarrë komunarët e Podujevës që nga ajo kohë. Në vitin 2010 Kuvendi Komunal e kishte miratuar vendimin për caktimin e lokacionit, ndërsa një muaj pas Komuna e Podujevës kishte kërkuar nga Bordi i Agjencisë Kosovare të Privatizimit që të mos e privatizonte këtë pjesë, shkruan sot Koha Ditore.

Toka prej 37 hektarësh që e ndan rruga Podujevë-Livadicë (rruga prej Brecalive) e ish-kooperativës bujqësore “Përparimi” nuk është privatizuar, por edhe zona industriale nuk është hapur. Atë e shfrytëzon një person fizik…(Artikullin e plotë mund ta lexoni në numrin e sotëm të Kohës Ditore)