Podujevë: Të dielën mbahet aktiviteti “Me biçikletë nis Pranvera”

Të dielën mbahet aktiviteti “Me biçikletë nis Pranvera” nisja bëhet nga sheshi ”Ali Ajeti” në Podujevë, në ora 12:00, në drejtim të fshatrave Letanc, Bajçinë, Peran, Obrançë.

Distanca që parashihet të marshohet me biçikleta është 17KM, vlen të theksohet se tereni është i lehtë.

Ky aktivitet organizohet nga “Llapi Bike Team”, Llapi Cycling Group” dhe “Marakli t’Biciklave”me përkrahje nga Komuna e Podujevës, aktiviteti nuk ka karakter garues por rekreativ.

Në njoftim thuhet se për shkak të sigurisë së përgjithshme në komunikacion, mosha e lejuar për pjesëmarrje në aktivitet është +15, ndërsa për moshat më të reja, vetëm nën përkujdesjen e prindit apo kujdestarit.