PODUJEVË: Shoqata “Bereqeti” ndau 100 çanta shkollore për nxënësit

Dega e shoqatës “Bereqeti” që vepron në kuadër të Këshillit të Bashkësisë Islame të Podujevës ka shpërndarë sot në shkollën “ Dëshmorët e Kombit” në Podujevë 100 çanta shkollore me të gjitha gjërat tjera të nevojshme për nxënësit, njofton PodujevaPRESS.com

Ky aksion është organizuar në bashkëpunim me Drejtorinë e Arsimit të Podujevës e cila ka përzgjedhur 100 nxënës që të përfitojnë nga kjo ndihmesë. Ndërsa donacioni ka arritur nga Kryesia e Bashkësisë Islame të Kosovës, thuhet në njoftimin e Bashkësisë Islame.

Shpërndarjen e çantave e bëri koordinatori i shoqatës “Bereqeti” në Podujevë, Kujtim Hyseni, së bashku me zyrtarë të arsimit në Podujevë.