Podujevë: Shënohet “Java e Njeriut me Shkop të Bardhë”

Bashkë me organizatën “You Can Do” Komuna e Podujevës ka organizuar aktivitet sportiv në palestrën “Hakif Zejnullahu”, në kuadër të “Javës së Njeriut me Shkop të Bardhë”, që e ka për qëllim sensibilizmin e shoqërisë që në mesin e tyre janë edhe personat e verbër, thuhet në njoftimin e zyrës për informim, transmeton PodujevaPRESS.net

Në këtë aktivitet sportiv, që quhet “Goalball”, morën pjesë klubi “Goalball Llapi” dhe klubi “Goalball Saturni”, nga Prishtina, të cilin e përcollën Nënkryetarja e Komunës, Marigona Lahu bashkë me Drejtorin për Kulturë, Rini dhe Sport, Pajtim Balaj.

Nënkryetarja Lahu tha se si institucione lokale do të punojmë në krijimin e kushteve  më të mira për jetesë për personat e verbër, si dhe do të angazhohemi që t’ju krijojmë qasje më të lehtë në institucione e hapësira publike në shfrytëzimin e tyre, përfundon njoftimi.