Podujevë: Shënohet Dita e Shkollës “Naim Frashëri”, merr pjesë edhe kryetari i komunës

Kryetari i Komunës së Podujevës, Shpejtim Bulliqi, i shoqëruar nga drejtori i Drejtorisë së Arsimit, Avni Fetahu, ka marrë pjesë në shënimin e Ditës së Shkollës Fillore e Mesme e Ulët “Naim Frashëri” në Podujevë, thuhet në njoftimin e zyrës për informim, transmeton PodujevaPRESS.net

Me këtë rast kryetari Bulliqi uroi nxënësit dhe mësimdhënësit për ditën e shkollës dhe foli për historikun shkollës dhe figurën e rilindasit Naim Frashëri, emrin e të cilit e mban kjo vatër e dijes.

Kryetari theksoi që ndër prioritetet e qeverisjes së tij mbetet arsimi, përmirësimi i infrastrukturës shkollore dhe cilësia në mësimdhënie.

Kryetari Bulliqi ndau kupat dhe medaljet për nxënësit e dalluar të kësaj shkolle në sport.

Gjatë takimit me nxënës kryetari Bulliqi zhvilloi bashkëbisedim, si dhe u përgjigj në pyetjet e nxënësve kuriozë të shkollës.