PODUJEVË: Reagon asambleistja e përjashtuar. Fyen partinë e cila e kandidojë

Asambleistja e cila deri dje i takonte subjektit të PDK-së dega në Podujevë Donjeta Jakupi, pas përjashtimit që i bëri ky subjekt sepse votoi për kryesuesin e Kuvendit Komunal që vije nga radhët e LDK-së, ka reaguar në profilin e saj në facebook, transmeton PodujevaPRESS.

Ajo ka thënë se “nuk jam e zhgënjyer që më kanë “përjashtuar” një kryesi e cila do të mbahet në mend, që për një cikël zgjedhor katërvjeqar 2013-2017, i ka “përjashtuar” rreth 7000 votues të PDK-së, pra e kanë zbritur numrin e votuesve nga rreth 15000 në rreth 8000 votues në këto zgjedhje të fundit! Duke ngelur poashtu një parti e përjetshme opozitare në Komunën tonë!

Donjeta ka shkruar se ajo ka qenë e detyruar të zgjedhë mes dy kandidaturave por pa treguar se cilët ishin ata, apo të themi cili ishte kandidati tjetër që opozita e kishte. Kujtojmë se dje dy subjektet opozitare VV dhe PDK kishin deklaruar se ata nuk kanë propozime për kandidat për kryesues.

PodujevaPRESS ka provuar të kontaktojë me zyrtarë të PDK-së në Podujevë por ata nuk kanë pranuar të prononcohen, mirëpo ata vetëm kanë thënë se Donjeta votat i ka marr nga elektorati i PDK-së e jo nga LDK.

LEXO EDHE: PDK e Podujevës përjashton Donjeta Jakupin e cila votoi sot kryesuesin e LDK’së

Interesant është fakti se edhe asambleistja tjetër poashtu e përjashtuar nga AAK në Podujevë Tringa Sfishta ka shkruar duke e përkrahur Donjetën si dhe dy subjektet PDK dhe AAK i ka quajtur komuniste dhe zyrtarët e tyre komunista.

Ky është postimi i Donjetës: