PODUJEVË: Nxënësit e disa shkollave fillore vizitojnë stacionin e policisë (Foto)

Nxënësit e SH.F.M.U. “Shaban Shala” dhe SH.F.M.U “Xheladin Rekaliu” për së afërmi kanë vizituar stacionin e policisë në Podujevë, njofton PodujevaPRESS.com

Këto vizita realizohet sipas policisë së Kosovës, në frymën e bashkëpunimit të ndërsjellë ndërinstitucional në mes të policisë dhe institucioneve të edukimit. Interesimi i nxënësve për të vizituar policinë njëkohësisht përmbush edhe objektivat e plan-programit mësimor për nxënës, për t’u njohur për së afërmi me institucionet, në këtë rast me policinë.

Gjatë vizitës së nxënësve në stacionin e policisë ata janë njoftuar për punën policore, hapësirat e punës në objektin policor, qendrën e komunikimit, njëkohësisht zyrtarët policorë u kanë ofruar informacione për punën rutinore policore, si dhe njohuri elementare për thirrjet emergjente, dërgimin e informacionit me kohë në fushën e parandalimit të hershëm etj. /PodujevaPRESS.com/