PODUJEVË: Nuk i respektuan masat e vendosura nga Qeveria, ndalohen 11 persona

Në vendin tonë numri i personave e të infektuar me coronavirus ka arritur në 362, ndërkaq institucionet shëndetësore vazhdimisht po bëjë thirrje që të qëndrojmë në shtëpi dhe të respektojmë rekomandimet e tyre.

Mirëpo disa nga qytetarët nuk janë duke i marrë parasysh këto thirrje. E këtë më së miri e konfirmon numri i personave të arrestuar nga Policia e Kosovës brenda 24 orëve si rezultat i mos respektimit të vendimeve.

Më poshtë rastet e plota nga raporti i policisë:

Rr. Zahir Pajaziti, Podujevë 12.04.2020 – 12:00. Raportohet se i dyshuari mashkull kosovar është ndaluar, pasi që nuk ka respektuar vendimin e lëshuar nga Qeveria e Kosovës. I njëjti është intervistuar dhe me vendim të prokurorit është liruar në procedurë të rregullt.

Rr. Zahir Pajaziti, Podujevë 12.04.2020 – 17:20. Janë shoqëruar në stacionin policor dhjetë të dyshuar meshkuj kosovar, pasi që të njëjtit nuk kanë respektuar vendimin e lëshuar nga Qeveria. Pas intervistimit me vendim të prokurorit të dyshuarit janë liruar në procedurë të rregullt.